» Estrutura Sekretaria Estadu ba Apoiu no Promosaun Sosiu-Ekonomika ba Feto

Estrutura SEPI nian dezenvolve iha tinan 2008 bazeia ba Dekretu Lei No. 16/2008 loron 4 fulan Juńu 2008 ne’ebé defini katak iha estrutura SEPI nia laran iha Diretór Jerál ida no Diresaun Nasionál rua: Diresaun Nasionál Administrasaun & Finansas (DNAF) no Diresaun Nasionál Polítika Dezenvolvimentu Jéneru (DNPDJ). Ho alterasaun Dekretu Lei nee iha loron 8 fulan Janeiru 2012, estrutura SEPI aumenta ho orgaun rua: (1) Inspetor no Auditor no (2) Konsellu Konsultivu.

Diretór Jerál

Diretór Jerál nia responsabilidade mak asegura no fó orientasaun jéral ba servisu hotu Sekretaria Estadu ba Promosaun Igualdade ne’ebé orientadu ba Promosaun Igualdade Jéneru. Diretór Jerál nia kna’ar maka halo supervisau ba Diresaun Nasionál rua ne’ebé no mós Departamentu rua iha ninia okos: Departamentu Média Komunikasaun no Departamentu Análiza no Dezenvolve Lejislasaun. To’o agora pozisaun Diretór Jerál sei mamuk hela, tanba SEPI seidauk hetan ema ne’ebé apropriadu. Nune’e to’o agora DNPDJ no DNAF sei diretamente iha Sekretaria Estadu ba Promosaun Igualdade nia okos. Departamentu Média Komunikasaun no Departamentu Análiza no Dezenvolve Lejislasaun hetan supervisaun husi DNPDJ. SEPI nia Diretór Jerál mak Sr. Thomas Fátima da Silva.

Diresaun Nasionál Administrasaun & Finansas

Diresaun ne’e nia kna’ar atu asegura apoiu tékniku no administrativu ba Sekretaria Estadu ba Promosaun Igualdade, Diretór Jerál, no ba servisu sira seluk Sekretaria Estadu liu-liu ba iha área administrasaun jerál, rekursu umanu, dokumentasaun no arkivu, finansas, no mós jestaun patrimóniu. Iha Diresaun ne’e nia okos iha departamentu haat: Departamentu Administrasaun, Departamentu Aprovisionamentu, Departamentu Rekursu Umanu, no Departamentu Finansas. Diretóra Nasionál Administrasaun Finansas mak Sra. Maria José Sanches (2009-2011) ne’ebé iha tinan 2012 troka ho Sra. Benigna Amaral (tanba Sra. Maria José Sanches hetan nomeasaun kaer funsaun nu’udar Inspetora & Auditora).

Diresaun Nasionál Polítika Dezenvolvimentu Jéneru

Diresaun ne’e nia kna’ar atu asegura apoiu tékniku ba Sekretaria Estadu ba Promosaun Igualdade liu-liu ba área análiza ba jéneru no dezenvolvimentu polítika no lejislasaun, monitorizasaun kona-ba implementasaun Abordajen Integradu Jéneru, no promosaun ba edukasaun kona-ba asuntu Igualdade Jéneru. Diresaun ne’e kompostu husi departamentu haat: Departamentu Formasaun; Departamentu Ligasaun; Departamentu Análiza Polítika no Peskiza; no Departamentu Planeamentu, Monitorizasaun no Avaliasaun. Diretór Nasionál Polítika Dezenvolvimentu Jéneru mak Sr. Armando da Costa.

Inspetora & Auditora

Diresaun Inspetor & Auditor nia responsabilidade mak kona-ba promosaun no avaliasaun étika no prosedimentu internál no realizasaun auditoria iha servisu integradu SEPI. Diresaun nee foin harii iha tinan 2012. Diresaun ne’e nia kna’ar maka halo avaliasaun ba atividade jestaun administrativa, finanseira no patrimoniu servisu; identifika no investiga evidensia kona-ba infrasaun disiplina; hala’o inspesaun, investigasaun, analiza no auditoria; hala’o kna’ar sira seluk tuir lei no kna’ar sira seluk ne’ebé Sekretária Estadu delega ba. Posizaun Inspetora & Auditora foin kria iha 2012 ne’ebé Sra. Maria José Sanches mak kaer funsaun ne’e.

Konsellu Konsultivu

Iha SEPI nia laran iha mós Konsellu Konsultivu nuudar orgaun konsultasaun no koordenasaun ho kna’ar hala’o balanzu periódiku ba atividade SEPI. Konsellu Konsultivu hala’o reuniaun tinan ida dala rua no bele mós hala’o reunian extraordinaria sei karik Sekretária Estadu determina. Konsellu Konsultivu ne’e sei kompostu husi Sekretária Estadu, Diretór Jerál, no Diretór Nasional sira. Sekretária Estadu bele konvida entidade sira seluk, instituisaun ka ema iha SEPI nia laran ka husi liur, ne’ebé konsidera presiza.

Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

255474

Ohin loron : 43
Hits ohin loron : 302
Total : 52782
Hits : 255474
Online : 8