» Notisias

Kinta, 26 Jullu 2012

Lansamentu Website SEPI

Díli, 26 Jullu 2012
Lansamentu Website SEPI www.sepi.gov.tl

Loron 26 fulan Jullu 2012, sai nudar loron ida ne’ebé Sekretaria Estadu Promosaun Igualdade Timor-Leste (SEPI) ofisialmente lansa nia website – hatudu nia prezensa online bá mundu internasionál.
“Ida ne’e sai nudar konkista istórika, apezarde, depois kuaze tinan lima ezisténsia, SEPI finalmente iha nia website própria”, hatete Sekretária Estadu Promosaun Igualdade Timor-Leste, Sua Excelência Sra. Idelta Maria Rodrigues.
Iha mundu agora internet kada vez maiz sai feramenta indepensável para transmisaun no interasaun ho públiku mundiál, SEPI senti nesesidade atu verdadeiramente desempeña nia funsaun liu husi meiu komunikasaun ida ne’e. Website refere kontén notísia, folhetu, kartaz, vídeo, palestra no publikasaun relevante seluk relasiona ho traballu SEPI nian. Tétum no Inglés mak língua prinsipál utiliza iha website refere.

Ami espera katak besik 200 konvidadu husi ajénsia governamentál oin-oin, membru parlamentu, parlamentu juventude, sosiedade sivíl no mídia partisipa iha eventu refere ne’ebé mak sei realiza husi tuku 09:00 iha Hotel Timor.
SEPI hato’o gratidaun bá asisténsia finanseira jeneroza husi Paz y Desarrollo no AECID (Agencia Española de Cooperación Internacional para el Desarrollo) bá asisténsia téknika liu husi treinamentu prátiku bá funsionáriu SEPI no dezenvolvimentu inisál bá website refere.

Koinside ho lansamentu website refere, SEPI sei aprezenta lista kompletu naran Grupu Traballu Jéneru Timor-Leste laran tomak, sertifikadu apresiasaun bá Rádiu Komunitária husi distritu 13, Relatóriu Tinan Lima (5) abranje 2007 to’o 2012 no Kompilasaun Diskursu bá tinan lima nian.

Fin.
Atu hetan informasaun detalladu, favor kontaktu ho Asesór Mídia:
Sr. Nugroho Kacasungkana
E-mail: nengahmetra@gmail.com
Telemóvel: +670 7279770


Departamentu Media SEPI | Author : Tony Duarte_Asesor ba Gabinete
Loron Boot SEPI
Loron Internasionál Feto RuráL
Loron Nasionál Feto Timor
Kampaña Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

269998

Ohin loron : 5
Hits ohin loron : 43
Total : 56196
Hits : 269998
Online : 1