» Notisias

Kuarta, 12 Agostu 2015

Parseria ba Promosaun Igualdade entre SEM no PyD

Hahú husi tempu Sekretaria Estadu ba Promosaun Igualdade no kontinua iha Sekretaria Estadu ba Apoiu no Promosaun Sosiu-Ekonómika Feto (SEM), ajénsia husi Espańa, Paz y Desarrollo (PyD) ne’ebé haknaar ba hakbiit feto no mane hodi realija igualdade no ikuidade iha mundo hala’o parseria ba programa promosaun igualdade iha Timor-Leste.

Atu kontinua parseria ne’e, iha loron 12 Agostu 2015 Reprezentante PyD Sra. Margarida Madureira ho Jestora Programa Edukasaun ba Prevensaun Violénsia Bazeia ba Jéneru Sra. Nelina de Sousa hala’o reuniaun ho Diretora Jerál SEM Sra. Maria José Sanches hamutuk ho Diretór Nasionál Polítika Dezenvolvimentu Jéneru Sr. Henrique da Silva, Xefe Departamentu sira no Asesor sira.

Iha reuniaun ne’e, Reprezentante PyD esplika katak sira-nia programa ne’e iha komponentu tolu. Kompente primeiru mak kapasitasaun ba feto sira para sira fiar aan no iha kbiit atu luta ba direitu feto no direitus umanus. “Atividade ida ne’e sei foka ba ema sira ne’ebé iha influénsia ba ema barak, hanesan lider komunitária, lider relijioza no media sira,” katak Sra. Margarida Madureira.

Ba media, PyD hala’o formasaun ba jornalista suku iha Manatuto no Viqueque. Alvu husi formasaun ne’e maka para jornalista sira sensivel ba jéneru. PyD mós kolabora ho Centro de Formaçăo Técnica em Comunicaçăo (CEFTEC) para iha sira-nia formasaun sensibiliza jornalista sira ba asuntu jéneru para realiza média sensivel jéneru. PyD dezenvolve tiha ona modulu kona-ba media sensivel jéneru ne’ebé utiliza iha formasaun ne’e.

Komponente segundu mak hakbiit instituisaun no kapasita ba sira-nia ema. Atividade ne’e servisu hamutuk ho Konsellu Suku sira hodi fó formasaun ba lider sira iha nivel suku kona-ba oinsa buka solusaun ba konflitu, ba problema rai no seluk tan. Lider sira mós sei simu formasaun kona-ba oinsa hakerek proposta atividade no hakerek relatóriu. “Atu hala’o atividade ne’e ami mós servisu hamutuk ho Centro de Estudo de Gęnero husi Universidade Nasionál Timor Lorosa’e, tanba sira iha kapasidade ba área ne’e,” tenik Sra. Margarida Madureira.

Komponente terseiru mak prevensaun ba violénsia bazeia ba jéneru, ne’ebé atividade ne’e sei halo liuhusi teatru no drama radio. Tuir Sra. Nelina de Sousa, programa teatru sei halo hamutuk grupu joventude/estudante sira. “Kona-ba drama rádio, ami servisu hamutuk ho rádio komunidade iha distritu hotu-hotu,” esplika Jestora Programa Edukasaun Prevensaun Violénsia Bazeia ba Jéneru Sra. Nelina de Sousa.

Iha parte SEM, Diretora Jeral SEM Sra. Maria José Sanches husu ba PyD atu haruka sira nia relatóriu trimestral ba SEM, para SEM bele akompańa atividade sira ne’e. Sra. Maria José Sanches mós husu ba PyD atu apoia SEM halo mudansa ba ninia website ne’ebé uluk PyD fo apoiu ba ninia kriasaun.


Departamentu Media SEPI | Author : Nug
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

270096

Ohin loron : 30
Hits ohin loron : 141
Total : 56221
Hits : 270096
Online : 2