» Notisias

Sesta, 19 Outubru 2016

SEM partisipa iha Lansamentu Planu Asaun Nasionál Rezolusaun Konsellu Seguranca ONU 1325 Kona-ba Feto, Paz no Seguranca

Sekretária Estadu ba Apoiu no Promosaun Sosiu-Ekonómika Feto Sra. Veneranda Lemos acompanha husi cargo cheffia sira iha SEM partisipa iha Lansamentu Planu Asaun Nasionál Rezolusaun Konsellu Seguranca ONU 1325 Kona-ba Feto, Paz no Seguranca he tema "Valoriza Feto Nia Luta ba Libertasaun Hodi Investe ba Dame" ne’ebé lansa husi Primeiru Ministru Dr. Rui Maria Araújo.

Iha Seremónia lansamentu PAN 1325 kona-ba Feto, Paz no Segurança ne’e, Sekretária Estadu Sra. Veneranda Lemos mós hato’o nia mensagen katak feto nia kontribuisaun ba harii paz importante tebes liuliu iha periodo konflitu no pos komflit. Iha kontestu Timor-Leste durante komflito no funu, feto timoroan iha papél no serbisu oinoin. Dalabarak lori sira do’ok tiha husi sira nia papél tradisionál nu’udar inan, alin feto/bin ka servisu tau matan ba família no uma laran. Nune’e mós, feto barak sai vítima no barak fó kontribuisaun bo’ot ba luta libertasaun, ba paz, establidade no ba moris diak família nian.

Sra. Veneranda mós aumenta liu tan katak PAN 1325 nia objetivu la’ós deit atu kompensa no rekoñese feto sira nia sofrimentu nu’udar vítima durante konflitu liu ba maibé mós rekoñese no tane- aas feto sira nia kontribuisaunsira durante luta ba libertasau.

Molok hakotu intervensaun, Sékretaria Estadu mós relata pilares ha’at importante PAN 1325 maka hanesan; Partisipasaun, Prevensaun, Protesaun no Hari’i Paz maka sei implementa atividade sira hodi promove no garantia feto sira nia partisipasaun iha pozisaun no prosesu foti desizaun hotu-hotu inklui iha setór defeza no seguransa.


Departamentu Media SEPI | Author : Media_SEM
Loron Boot SEPI
Loron Internasionál Feto RuráL
Loron Nasionál Feto Timor
Kampaña Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

270157

Ohin loron : 32
Hits ohin loron : 202
Total : 56223
Hits : 270157
Online : 2