» Notisias

Kinta, 10 Novembru 2016

Komemorasaun Loron Nasionál Feto 2016 iha Suku Tapó, Munisipiu Bobonaro

Tapo Maliana-Sekretária Estadu ba Apoiu no Promosaun Sosiu-Ekonómika Feto ( SEM ) komemora Loron Nasionál Feto iha suco Tapó Postu Administrativu Bobonaro MunisÍpiu Bobonaro iha loron sanulu (10 ) fulan Novembru tinan 2016.

3 Novembru hanesan Loron Nasionál Feto Timor-Leste ne’ebé maka komemora tinan-tinan, tinan kotuk SEM komemora Loron Nasionál Feto iha Bazartete. Tinanida ne’e define halo iha Tapo ho objetivu atu hanoin fila-fali ita nia eroína Maria Mapo nia mate, la’ós de’it hanoin nia mate maibé liu-liu haree ba ninia luta hamutuk ho eroína sira seluk ne’ebé oferese sira ninia án ba libertasaun rai ida ne’e.

Iha abetura Prezidente autoridade Munisípiu Bobonaro ne’ebé sai hanesan reprezentante autoridade loká. Primeiru hato’o bemvindu ba Sekretária Estaduno komitiva tomak ne’ebé desloka husi Dili mai iha fatin ida ne’e, agradese dala ida tan tanba bele fó fiar mai Munisípiu Bobonaro liu-liu suco Tapó atu sai uma na’in ba komemorasaun Loron Nasionál Feto. Hatete Prezidente Autoridade Munisípiu Bobonaro Sr. Zeferino dos Santos.

Prezidente autoridade ne’e mós husu ba Governu atu tau monumentu saudosa Maria Tapó iha kapitál Munisípiu nian, atu núne’e karik iha eventu ruma bele selebra iha Saudosa nia monumentu refere aumenta Presidente Autoridade ne’e.

Iha fatin hanesanSekretária Estadu ba Apoiu no Promosaun Sosiu-Ekonómika Feto (SEM) Sra. Veneranda Lemos hato’o katak, iha programa lubuk ida ona ne’ebé preparadu ba tinan oin no SEM tenke tur hamutuk fali tanba tinan ida ne’e espesiál oituan tanba Funsaun Públika komemora hamutuk ho SEM, no espera katak ho komemorasaun Loron Nasionál Féto ninian ba oin la’os de’it SEM selebramesakmaibé komemorasaun ida ne’e bele halao hamutuk mós ho entidades estadu sira seluk, liliu Ministériu sira ne’ebéhetan valór hodi núne’e bele valoriza fila-fali luta nain sira nia luta, liu-liu ita nian feto maluk sira.

Loron Nasionál ida ne’e komemora ba dala 40, tanba ne’e mak SEMespera katak tinan oin mai ita bele halo buat ruma diak liu tan ida ne’e, i ohin móss iha selebrasaun ida ne’e SEM hamosu deklarasaun ida naran Deklarasaun Tapó atu husu ba estadu atu fó espasu iha Jardin dos Herois Metinaru espasu ida ba ita ninia martíres da pátria luta nain feto sira, tanba ita hakarak atu nasaun ida ne’e la’ós deit rekońese ita nia luta nain seluk maibé hanoin mós feto katak feto hamotuk mós ho mane, suporta malu mak ita bele hetan ita nia independensia ida ne’e.

Ikus liu molok hakotu intervensaun ida ne’e Sekretária Estadu ba Apoiu no Promosaun Sosiu-Ekonómika Feto (SEM) Sra. Veneranda Lemos iha seremónia selebrasaun Loron Nasionál Feto iha Suku Tapó hatutan katak maluk sira hotu, feto maluk iha Timor laran tomak ka Timor oan sira hotu ne’ebé mós iha rai liur atu hanoin nafatin, ita nia luta seidauk hotu ita nia independensia rai ninia ita hetan ona, maibé ita ninia luta atu liberta ita ninia soberania totál, ita seidauk hotu. Tanba ne’e mak husu ba feto maluk no timor oan hot-hotu atu hamutuk nafatin hodi luta ba ita ninia liberdade ka independensia totál, liu-liu ita nia mina Timor.

Seremonia Selebrasaun ne’e lao ho antusiismu husi Komunidade Suku Tapo no Entidades Nasional sira ne’e iha mós apresiasaun Jéneru husiSekretária Estadu ba Apoiu no Promosaun Sosiu-Ekonómika Feto (SEM) ba lińas Ministériu sira ne’ebé sai nudar manan nain husi sira nia politika ba implementasaun Abordajen Integradu Jéneru tamba Apresiasaun jéneru nudar programa anual ida ne’ebé makina instituisaun feto tau hodi fo apresiasaun ba ministeriu hirak ne’ebé hatudu sira nia esforsu ba promove igualdade jéneru liu-liu husi avaliasaun ba orsamentu planu asaun anual no progresu husi implementasaun planu asaun anual. Apresiasaun jeneru foka ba implementasaun politika abordajen integradu jeneru. importantemente integrasaun komprimisiu jeneru ha’at iha planu orsamentu no implementasaun iha ministeriu sira.

Komprimisiu haat ne’e inklui komprimisiu internasional sira hanesan Objektivu Dezenvolvimentu Sustentavel (ODS) konvensaun ba halakon diskriminasaun iha forma oi-oin hodi hasoru feto ka CEDAW no komprimisu nasional sira hanesan planu estratéjia dezemvolvimentu 2011 to 2030 planu asaun ba violensia bazeia ba jéneru , planu asaun nasional ba rezolusaun konsellu seguransa 2011 no deklarasaun omprimisiu.

Atu implementa komprimisiu jéneru hirak ne’e hotu iha lińa ministériu no Sekretaria Estadu sira relevante presiza inklui planu asaun anual aloka orsamentu adekuadu ba nia implementasaun no hatudu progresu ba implementasaun planu asaun no orsamentu ne’ebé adekuadu no sensivél ba jéneru. Estadu nia komitmentu maka atu promove igualdade.

Bazeia ba observasaun no seleksaun ba dokumentus aplikasaun ne’ebé tama ekipa penelista hili Minitériu tolu hanesan manan nain ba apresiasaun Jéneru, 2016 mak hanesan tuir mai ne’e;

1. Primeiru Lugar hetan valór 219 monu ba Minietériu Interior;
2. Segundu Lugár ho valor 211 monu ba “Ministériu Solidariedade Sosiál;
3. Terseiru Lugár ho valór 201 monu ba “Ministériu Obras Públika no Telekomunikasaun.


Departamentu Media SEPI | Author : Media SEM
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

269996

Ohin loron : 5
Hits ohin loron : 41
Total : 56196
Hits : 269996
Online : 1