» Notisias

Kuarta, 29 Agostu 2012

Vise Primeiru Ministru Vizita SEPI

S.E. Vise Primeiru Ministru Sr. Fernando de Araújo “Lasama” ohin loron 29 Agostu 2012 halao vizita ba Sekretaria Estadu ba Promosaun Igualdade (SEPI).

Vizita ne’e nia objetivu mak atu haree espasu fíziku ne’ebé kloot liu. Situasaun ne’e maka funsionáriu SEPI emfrenta ne’ebé halo sira susar atu halao servisu ho diak.
Por ezemplu, iha sala ida ne’ebé loloos ema nain 5 mak uza, maibé ema nain 13 mak servisu iha laran. Sira ne’e mak funsionáriu nain haat (4) husi Departamentu Aprovisionamentu, nain 2 husi Departamentu Monitorizasaun & Avalisaun, nain 2 husi Departamentu Lejislasaun, nain 2 husi Departamentu Peskiza, asesora nain rua (2), no ida mak sekretária ba Diretór Nasionál Polítika.

Iha vizita ne’e Sekretária Estadu ba Promosaun Igualdade Sra. Idelta Maria Rodrigues akompańa Vise Primeiru Ministru hodi haree sala servisu funsionáriu SEPI nia iha ida-idak nia departamentu. Funsionáriu sira mós hato’o difikuldade ne’ebé sira hasoru tanba limitasaun espasu servisu. Funsionáriu SEPI sira mós hein katak iha tempu badak Vise Primeriu Ministru bele hetan soluzaun ba problema ne’e no funsionáriu sira bele uza fatin ne’ebé sufisiente para sira bele halao knaar ho diak liután ba promove igualdadade jéneru iha rai doben Timor-Leste.


Departamentu Media SEPI | Author : Nug
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

269977

Ohin loron : 5
Hits ohin loron : 22
Total : 56196
Hits : 269977
Online : 1