» Notisias

Sabadu, 13 Outubru 2012

Kondolensia ba Matebian Maria Filomena de Fátima Maia

Sekretaria Estadu ba Promosaun Igualdade hato’o sentidu kondolensia ba família husi Matebian Sra. Maria Filomena de Fátima Maia ne’ebé Nai Maromak bolu ona iha ninia Kadunan Santu. Atu Nai Maromak haraik forsa no kbiit ba família ne’ebé husik hela.

Mana Maia hahú tinan 2000 servisu iha Gabinete Asuntu Jéneru (Gender Affairs) UNTAET, ne’ebé muda ba Gabinete Asesoria Promosaun Igualdade (2002-2007) no servisu iha SEPI husi 2007 to’o 2008. Iha tinan 2008 ne’e Mana Maia muda ba Sekretaria Estadu ba Seguransa, ne’ebé sai nuudar Xefe Departamentu Prevensaun no Resoluzaun Konflitu. Iha Sekretaria Estadu ba Seguransa nia mós kaer pasta nuudar Pontu Fokál Jéneru to’o mudansa mekanizmu ne’e ba Grupu Traballu Jéneru iha tinan 2012.

Mana Maia moris iha loron 13 fulan Maiu tinan 1962 no fila ba Maromak nia Kadunan iha loron 13 fulan Outubru tinan 2012 tanba moras kankru.

Adeus Mana Maia. Bom Viagem. Ami sei la haluha buat hotu ne’ebé ita boot halo ba dezenvolvimentu promosaun igualdade iha Timor-Leste.


Departamentu Media SEPI | Author : Nug
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

255381

Ohin loron : 42
Hits ohin loron : 209
Total : 52781
Hits : 255381
Online : 9