» Notisias

Kinta, 27 Dezembru 2012

Sekretaria Estadu ba Promosaun Igualdade Pastisipa iha Selebrasaun Loron Inan Indonesia

Iha loron 18 fulan Dezembru tinan 2012 Sekretaria Estadu ba Promosaun Igualdade Sra. Idelta Maria Rodrigues hamutuk ho komitiva partisipa iha Selebrasaun Loron Inan Indonesia ne’ebe organiza husi Ministériu Hakbiit Feto no Protesaun Labarik Indonesia iha Jakarta.

Selebrasaun ho tema “Papel Feto ho Mane hodi Realiza Dezenvolvimentu Sustentavel hodi Hetan Prosperidade Nasaun nian” ne’e hala’o iha Convention Hall, SME Tower (SMESCO) Jakarta.
Sentidu husi tema ne’e maka nu’udar kompromisu husi nasaun atu fo konxiénsializasaun ba feto iha Indonesia katak sira-nia an mak atu buat ida ne’ebé folin liu ba nasaun nia futuru.

Sekretária Estadu ba Promosaun Igualdade (SEPI) hamutuk ho komitiva partisipa iha selebrasaun ne’e tanba hetan konvite husi Ministra Hakbiit Feto no Protesaun Labarik Indonesia Sra. Linda Amalia Sari Gumelar. Entre SEPI ho Ministra Hakbiit Feto no Protesaun Labarik Indonesia iha tiha ona akordu atu halo kooperasaun iha área promosaun igualdade no hakbiit feto. Karta atendimentu kona-ba kooperasaun nee asina husi Sekretaria Estadu ba Promosaun Igualdade Sra. Idelta Maria Rodrigues no Ministra Hakbiit Feto no Protesaun Labarik Indonesia Sra. Linda Amalia Sari Gumelar iha fulan Outubru 2012 iha Jakarta.

Iha selebrasaun ba Loron Inan Indonesia ne’e, Ministra Hakbiit Feto no Protesaun Labarik fahe primiu ba feto sira ne’ebé iha tempo naruk nunka para luta nafatin hodi bele realiza igualdade jéneru. Ministra Hakbiit Feto no Protesaun Labarik mós fahe premiu ba média sira ne’ebé tama ona selesaun ba kategoria ba média ne’ebé mak bele ona influénsia no kria opiniaun kona-ba hakbiit feto no igualdade jéneru.

Programa sira hotu iha selebrasaun ida ne’e atu hatudu katak Feto ho mane iha papel ne’ebe hanesan iha luta ba prosperidade ba ekonomia, sosiál, polítika no legál no hetan asesu ba oportunidade ne’ebe hanesan iha rekursu ba dezenvolvimentu, asesu ba informasaun, teknolojia, no komunikasaun no hetan tratamentu legál ne’ebe justu. Tanba ne’e dezenvolvimentu ne’ebe mak atinji ona husi feto ho mane presija atu hametin no hakbiit liután.

Depois selebrasaun ne’e iha loron 19 fulan Dezembru 2012 iha sorumutu informal troka ideas entre Ministra Sra. Linda Gumelar ho Sekretária Estadu Sra. Idelta Maria Rodrigues. Sorumutu ne’e halo iha restorante The Lounge, iha Plaza Senayan, Jakarta. Iha sorumutuk ne’e Sekretária Estadu ba Promosaun Igualdade Sra. Idelta Maria Rodrigues akompańa husi Diretora Administrasaun no Finansas Sra. Benigna Maria Amaral, Sekretária ba Sekretária Estadu Sra. Fabiola Laranjinha no Ofisial Media SEPI Francisca de Sousa.

Iha soromutuk ne’e Sra. Linda Gumelar hato’o nia promesa katak wainhira SEPI selebra Loron Feto Nasional iha 3 Novembru tinan 2012 nia sei halo vizita ba Timor-Leste hamutuk ho komitiva hodi partisipa iha selebrasaun ne’e. Ninia laen. Jeneral Agum Gumelar ne’ebé akompańa iha soromutuk ne’e mós hakarak partisipa hotu. Kona-ba asuntu ne’e, Sra. Idelta Maria Rodrigues resposta katak SEPI ho laran haksolok sei simu komitiva tomak husi Indonesia.


Departamentu Media SEPI | Author : Chyqa dZouza
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

255563

Ohin loron : 1
Hits ohin loron : 30
Total : 52795
Hits : 255563
Online : 1