» Notisias

Kinta, 08 Marsu 2012

Loron Internasionál Feto 8 Marsu

Tinan 2012 - Selebrasaun Loron Internasionál Feto – SEPI selebra ho Tema “Partisipasaun Feto Foin Sa’e iha Dezenvolvimentu Nasionál Lori Mudansa bá Futuru”. Iha Selebrasaun Loron Internasionál Feto bá Tinan 2012, SEPI hala’o selebrasaun ne’e ho ambiente ida ne’ebé oin seluk hosi selebrasaun ne’ebé SEPI hala’o tinan-tinan kotuk. Iha diferénsa tamba selebrasaun ida ne’e hanesan selebrasaun bá dala ikus hosi IV Governu Konstitusionál.

Selebrasaun Loron Internasionál Feto tinan 2012, Sekretaria Estadu Promosaun Igualdade hala’o ho aktividades durante loron rua (2). Aktividades bá dala uluk iha loron 7 Marsu 2012, SEPI organiza semináriu loron ida bá juventude sira, tamba ita haré bá tema internasionál mak “Conectting Girls, Inspiring Future”. Partisipantes bá semináriu ne’e mak mai hosi Universidades, Eskola Sekundária no Pre-sekundária sira iha Díli laran, Parlamentu Juventude, Konsellu Nasionál Juventude Timor-Leste, Organizasaun Juventude Partidos Politikus ne’ebé iha Timor-Leste laran, ho total partisipantes 245, feto no mane.
Oradór bá semináriu ne’e mak hosi Parlamentu Juventude, Prezidente Konsellu Juventude Timor-Leste, ita nian bainaka espesiál husi Indonesia Dra. Marissa Haque (eis Membru Parlamentu Indonesia) ho Ikang Fawzi (cantor). Oradóra Marissa Haque hateten katak Juventude Timor-Leste iha poténsia no papel bo’ot bá dezenvolvimentu nasionál, importante mak tenke badinas, tenke kria rede koneksaun makas ho organizasaun seluk, ho nasaun seluk atu nune’e ita bele tuir dezenvolvimentu informasaun, komunikasaun, teknolojia ne’ebé atualizada universalmente. Iha termus jéneru nian, Marissa Haque hatete katak iha rejiaun Timor ne’e Mane tenke sai parseiru di’ak ho Feto, atu nune’e bele hetan igualdade entre feto ho mane, ema hotu-hotu bele goza. Iha Semináriu ida ne’e iha mós aprezentasaun drama hosi Grupu UN Women ne’ebé halo drama kona-ba eleisaun, liu-liu bá votantes foun sira, atu bá vota, no mós atu enkoraja feto sira bá tuir eleisaun hanesan votantes no mós hanesan kandidatu.

Iha loron 8 Marsu 2012 selebrasaun Loron Mundial/Internasionál Feto, Sekretaria Estadu Promosaun Igualdade hala’o selebrasaun iha “Sentru Konvensaun Díli”. Tuir konvite ne’ebé fo’o sae bá Membrus Parlamentu Nasionál tomak, Membrus Governu hotu, Sosiedade Sivil, Esposas Membru Governu, membrus F-FDTL no PNTL ho sira nia esposas, Feto UNPOL, estudantes, Assosiasaun Profesionais, etc. Total konvidadus ne’ebé marka prezensa hamutuk 465, total ne’e menus tamba konvidadus sira barak mak la marka prezensa tamba sira bá asiste Funerál Proklamadór Independénsia Timor-Leste Sr. Francisco Xavier do Amaral.

Tamba iha selebrasaun ne’e diferente hosi selebrasaun sira seluk ne’ebé hala’o iha tinan-tinan kotuk, iha selebrasaun ne’e S.E. Sra. Idelta Maria Rodrigues, hato’o nia diskursu ne’ebé naruk oituan kona-ba objektívu ne’ebé SEPI alkansa durante governasaun IV Governu Konstitusionál bá área Igualdade Jéneru. S.E. nia diskursu foka liu bá halo advokasia atu integra Perspetíva Jéneru iha Polítika no Lejislasaun sira.

Iha loron ne’e reprezentante Nasőens Unidas nian iha Timor-Leste Sra. Ameerah Haq hato’o nia diskursu foka liu bá hakbiit ekonomia bá feto sira iha área rurál, maske buat barak mak ita alkansa ona maibé ita presiza liután hakbiit feto iha área ekonomia, atu nune’e feto sira bele ses a’an hosi dependénsia ekonomia.

Iha diskursu S.E. PM. Sr. Kaya Rala Xanana Gusmăo, tenta atu halo reflesaun kona-ba objektívu ne’ebé alkansa iha IV Governu Konstitusionál kona-ba implementasaun polítika Abordajem Integra Jéneru.


Departamentu Media SEPI | Author : Nug
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

269980

Ohin loron : 5
Hits ohin loron : 25
Total : 56196
Hits : 269980
Online : 1