» Notisias

Kinta, 11 Abril 2013

Pontu Fokál SEPI ba Distritu simu esplikasaun kona-ba funsaun públiku

Ohin loron 10 fulan Abril tinan 2013 SEPI hala’o atividade esplikasaun kona-ba lei sira ne’ebé relevante ho servisu funsionáriu públika sira. Atividade ne’e hala’o ba funsionáriu foun hamutuk na’ain ualu (8) ne’ebé sei hala’o servisu nu’udar Pontu Fokál SEPI Distritu.

Iha atividade ne’e, Pontu Fokál SEPI sira simu esplikasaun kona-ba Lei Númeru 7 kona-ba Estabelesimentu Komisaun Nasionál Funsaun Públika, Lei Numéru 40 kona-ba Rejime Lisensa, no Estatutu Funsaun Públika Lei Númeru 8/2004.

Ofisiál ne’ebé fo esplikasaun mak Diretor Nasionál ba Prosesu Disiplinar no Administrativu husi Komisaun Nasionál Funsaun Públiku Sr. Cornelio dos Santos da Silva no. Diretór Nasionál Formasaun no Dezenvolvimentu Komisaun Nasionál Funsaun Públiku Sr. Nelson Philomeno de Jesus. Tuir planu, Diretora Jerál Komisaun Nasionál Funsaun Públika Sra. Maria J. Sarmento mós sei marka presensa iha atividade ne’e, maibé nia la mai tanba iha asuntu ne’ebé urjente.

Funsionáriu sira-ne’e sei koloka iha distritu relevante sira. SEPI sei hala’o serimonia entrega Pontu Fokál SEPI Distritu ne’e iha Liquiça, iha loron 11 Abril 2013. Atu kompleta Pontu Fokál SEPI iha distritu 13 Timor-Leste tomak, SEPI hamutuk ho Komisaun Nasionál Funsaun Públiku sei hala’o prosesu rekrutamentu ba funsionáriu nain lima (5) ne’ebé ida-idak sei servisu iha distritu: Aileu, Ainaro, Lautém, Manatuto, no Oecusse.


Departamentu Media SEPI | Author : Nug
Loron Boot SEPI
Loron Internasionál Feto RuráL
Loron Nasionál Feto Timor
Kampaña Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

270113

Ohin loron : 31
Hits ohin loron : 158
Total : 56222
Hits : 270113
Online : 5