» Notisias

Tersa, 21 Maiu 2013

Feto Dili nia Hanoin kona-ba Munisipiu

Sekretaria Estadu ba Promosaun Igualdade hamutuk ho Grupu Traballu Jéneru Distritu Dili hala’o reuniaun ho reprezentante feto sira husi suku hotu-hotu Dili tomak. Objetivu husi atividade ne’e mak atu enkoraja feto sira atu partisipa iha instalasaun munisipiu no mós kandidata an iha eleisaun Câmara Municipal.

Iha reuniaun ne’e, Sekretária Estadu ba Promosaun Igualdade Sra. Idelta Maria Rodrigues hatete katak programa harii munisipiu ne’e ninia objetivu atu hakbesik governu ba povo no dudu povo hola inisiativa ba halo dezenvolvimentu iha nivel lokál.

“Durante ne’e hotu-hotu sentralizadu. Governu sentral mak jere orsamentu, jestaun osan hotu konsentra iha kapital Dili. Hotu-hotu hein deit mai husil nivel sentral. Distritu la iha orsamentu própriu atu halko dezenvolvimentu,” katak Sekretaria Estadu. “Agora ita desentraliza, fó poder ba vinel lokal para hakbesik governu ba povu, simplifika birokrasia para hotu-hotu la’o lalais,” Sekretaria Estadu esplika.

Sra. Idelta Maria Rodrigues husu ba feto sira atu prepara aan ba desentralizasaun ne’ebé Governu hala’o liu husi harii munisipiu. Feto sira tenke mobiliza no prepara an ba eleisaun Câmara Municipal. “Feto iha nivel distritu mós tenke elabora programa ba implementa iha munisipiu,” katak Sekretaria Estadu.

Iha reuniaun ne’e kedas, partisipante sira diskuti kona-ba programa ne’ebé munisipiu tenke hala’o. Sira haree katak Dili nu’udar kapital ba rai Timor-Leste iha problema barak hanesan saneamentu ne’ebé seidauk diak, labarik abandonadu, meiu ambiente (lixu barak no animal la’o livre iha sidade laran), violénsia ba feto, droga, prostituisaun, problema saúde (hospital falta aimoruk, ladún iha fasilidade planeamentu familiar, la iha hospital ba ema moras mental, labarik barak malnutrisaun, moras TBC), no problema infra-estrutura hanesan estrada no baleta la di’ak, fatin lixu no sintina públiku ladún iha, no difikuldade ba asesu be mós. Partisipante sira prontu atu servisu iha nivel suku hamutuk ho autoridade lokál atu responde ba problema lixu.

Partisipante sira hakarak munisipiu Dili ne’ebé atu harii tenke hala’o programa sira ne’ebé hatan ba problema sira ne’e. Sira mós hakarak governu munisipiu hala’o programa hakbiit feto iha área ekonomia liu husi edukasaun naun-formál hanesan treinamentu hala’o negosiu. Kona-ba área turismu, partisipante sira hatete katak feto sira prontu ona ho sira-nia atividade oioin hanesan artezanatu, cozinhera, produsaun hahan lokál no loke restaurante, no mós talenta iha muzika, dansa no desportu. Partisipante sira hakarak munisipiu hala’o programa dezenvolve sira-nia potensia ne’e. Sira mós sujere munisipiu halo promosaun ba Ataúru nu’udar fatin turistiku.

Hakarakl le’e sujestaun kompletu husi reprezentante feto Dili konaba Municipiu, Klik iha Ne’e


Departamentu Media SEPI | Author : Nug
Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

270140

Ohin loron : 31
Hits ohin loron : 185
Total : 56222
Hits : 270140
Online : 1