» Notisias

Tersa, 11 Juñu 2013

SEPI Partisipa iha Selebrasaun Centenario tinan 100 (atus ida ) Feto iha direitu atu vota iha rai Norwegia

Sekretaria de Estadu ba Promosaun Igualdade (SEPI) simu konvite husi Ministeriu ba Koperasaun Internasional Norwegia iha loron 9 de Janeiru 2013 hodi konvida Sekretaria Estadu ba Promosaun Iguladade Atu ba vizita rai refere hodi asiste selebrasaun “Centenario“ tinan 100 (atus ida ) Feto iha direitu atu vota iha rai Norwegia. Delegasaun husi Timor Leste Xefia husi S.E sekretaria Estadu ba Promosaun Igualdade, Sra. Idelta Maria Rodrigues no konpostu ema nain ha’at (4) Diretora Alola Foundation, Alzira Freitas dos Reis, Offisial Finasas SEPI Angelina Oliveira Mendonca no husi Media TVTL Jacinto Fernandes. Delegasaun ne’e sei dezloka ba rai Norwegia iha loron 8 fulan Juñu no fila mai Timor Leste iha 17 Juñu 2013. Cerimonia ne’e sei hahu iha loron 10 to’o loron 14 Juñu 2013.

Durante Sekretaria Estadu no delegasaun nia vizita iha rai Norwegia aleinde tuir selebrasaun Centenario ba direitu Feto atu vota Sekretaria de Estadu mos sei fo nia palestra iha Universidade Bergen ho topiku “Luta ba Direitu Demokratiku Feto no Partisipasaun Politika Global” serimonia ne’e sei partisipa mos Loureadu Nobel da Paz Shirin Ebadi. Iha Serimonia refere Sekretaria Estadu mos sei koalia konaba Resolution 1325 ne’ebe relasiona ho “ Feto paz no Siguransa” iha Timor Leste .

Nune’e mos antes atu partisipa iha Universidade refere, Sekretaria Estadu mos sei hasoru malu ho Ministra ba Labarik no Inkluzaun Sosial Norwegia no iha oportunidade ida ne’e Sekretaria Estadu sei konvida Ministra refere atu mai partisipa Loron Nasional Feto ba dala tolu nulu resin ne’en (36) ne’ebe sei selebra iha loron 8 fulan Novembru 2013 iha Dili.

Atividades seluk mak Sekretaria Estadu ho nia delegasaun halao durante nia vizita iha rai Norwegia mak, hasoru malu ho Ministru Koperasaun Internasional Norwegia, Jantar hamutuk ho Diretor Jeral ba Sesaun Asia Pasifiku no Oseania, halo mos vizita ba Fundasaun Direitu Umanus ne’ebe iha oportunidade ida ne’e Sekretaria Estadu sei koalia konaba “ Justisa ba Feto”, hafoin remata iha sorumutu ne’e Sekretaria Esatadu partisipa mos iha seminariu perante Rede Feto Norad iha Rai Norwegia ho topiku “ Direitu Feto iha Timor Leste no servisu iha terenu”. No antes atu hakotu nia vizita offisial ne’e Sekretaria Estadu ho nia Deleagsaun sei hasoru malu ho Grupu Solidaridade ba Timor Leste iha Norwegia.

Hafoin hakotu nia viazen servisu ida ne’e Sekretaria Estadu sei fila mai Timor Leste iha loron 17 fulan Juñu 2013.


Departamentu Media SEPI | Author : Luisa da Silva
Loron Boot SEPI
Loron Internasionál Feto RuráL
Loron Nasionál Feto Timor
Kampaña Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

270012

Ohin loron : 5
Hits ohin loron : 57
Total : 56196
Hits : 270012
Online : 1