» Notisias

Tersa, 18 Juñu 2013

Grupo Feto Mehara hetan Treinamentu kona ba oinsa halo Ananas ba Jus ho Marmelada

Sekretaria Estadu ba Promosaun Igualdade servisu hamutuk treinador husi nasaun Indonesia Maria Gigi ne’ebe mai husi Pusat pelatihan Mandiri kelautan Perikanan dan Pertanian Indonesia ho Ekipa Sekretaria Estadu Promosaun Igualdade fo Treinamentu ba Grupo Feto sira iha Suku Mehara sub Distritu Tutuala Distritu Lautem durante loron tolu Sr. Julio Canto Adjuntu Administrador ne’ebe loke programa treinmentu ne’e hato’o katak treinamentu ne’e importante tebes ba maluk sira ne’ebe iha Mehara tamba hare katak rai mehara pontesial tebes li-liu mak iha aifuan Ainanas ne’ebe tinan-tinan sempre fo fuan ne’ebe barak mas, tambá laiha fatin atu halo tau hamutuk, ho nune’e dala barak faan mak ema la sosa lori fali mai uma hodi fo han deit fahi. tambá ne presija halo hanesan koperativa ida atu nune aifuan sira ne’e bele lori ba faan ho diak.

Iha fatin hanesan Chefe Suku Mehara Ze Meigo Neto ne’ebe hato katak sira senti haksolok tebes ho visita ida ne ne’ebe mak halo husi SEPI tambá lori treinador sira hodi fo treinamentu ba sira nia grupu ne’ebe mak iha raine, tambá tuir Chefe suku katak rai mehara ne nia iha potesial liu iha aifuan ainanas, dala barak mak ainanas ne’ebe mak iha dala barak fan ema la sosa e hodifohan mos Fahi deit.

Representa husi SEPI Sr. Henrique da silva hato’o katak SEPI laos implementador programa maibe SEPI suporta deit programa ne’ebe mak sei halo no SEPI sei kontinua fo suporta tambá bainhira mak programa ne suksesu SEPI sei fo ajuda atu nune grupo ne’e bele lao ho diak atu nune bele ajuda Ekonomia família iha uma laran.

Maria Gigi hanesan treinador Pusat pelatihan Mandiri kelautan Perikanan dan Pertanian Indonesia hato’o katak nia konteneti tebes, kuando nia dehan katak sira mai ne mos la fasil estadu Timor Leste mos selu sira karun, tambá ne’e husu ba partisipantes sira atu bele husu kuandu bainhira la kompriede tenki husu atu nune sira bele kompriende liu matéria nebe mak sei hato’o ihatreinamentu ida ne’e. atu nune bele halao ho diak. Tamba tuir Sra Maria Gigi mos hato’o katak nia hare iha dala ninin sira ne iha Lida Buaya mos moris arbiru e barak, lakeru mos barak, so oinsa atu hadiah diak ne mak presija duni iha treinamentu hodi atu bele uja pontesial ne’ebe ak ih arai ne’e bele fo benefisiu ba ema barak.

Sr. Julio Canto Adjuntu Administrador iha fatin hanesan representa Administrador Sub Distrutu Tutuala hato’o katak atividade ne’e maski kurtu mas Cefe suku mehara konsege halibur grupu sira bele tuir treinamentu ne to’o loron tolu tambá Sr. Julio mos husu ba partisipantes sira atu bele tuir treinamentu ne ho didiak tambá matéria ne’ebe mak sei fo hosi treinamdor sira bele tuir ho didiak, partisipantes sira ne’ebe mak tuir treinamentu ne’e mai husi nível edukasaun ne’ebe la hanesan balu, husi eskola Primaria, Pre-Sekundaria, Sekundaria, no Eskola Teknika Agrikula, tambá ne’e treidor sira sei halo treina ba partispantes sira ho teoria ho pratika dala ida.

Sr. Julio mos fo motivasaun ba participantes sira atu bele uja tempu ne’ebe mak iha ho didiak liu-liu ba produto Ainanas tambá Mehara ainanas barak tebes.Husu mos ba Partispantes sira atu uja tempu ne’ebe ho diak atu nune bele produs ainanas ne ho diak no mos kualidade. Tambá ita hare katak dala barak mak ainanans nebe mak iha hodi fo han det fahi.
Sr. Julio hatutan liu tan katak ba oin atu bele halo kolperativa ida atu nune grupo sira ne’e bele halo sira nia produto ho diak.

Sr. Julio Canto hato’o liutan katak tuir lolos programa ne laos SEPI nian maibe tambá tuir ona akordu ne’ebe SEPI halo ho Indonesia atu bele hasae kapasitasaun ba Grupo feto sira atu nune bele jere sira nia grupo ho didiak, tambá ne’e hanesan dignidade ida lakoi atu programa ne’ebe mak halo hanesan loke kios be la to rohan mak bankrut fali tambá ita presija duni hare didiak programa ne ho didiak no Mehara tenki orgulho tambá suku 32 nebe iha Distritu Lautem mehara mak sai piloto ba atividade ne’e. Tamba ne’e grupo tenki unidade mak faktor ida nebe determinante atu bele determina suksesu tambá ne tenki unidade atividade nebe mak halo sei sai suksesu diak liu tan. Ainanas ne’ebe mak iha halo ba Marmelada, Just, ho rabusado, atu nune’e bele halo ba pakote hodi bele faan mos ba Rai Liur, tuir Sra. Maria Gigi katak Timor Leste nia produto lokal barak, bainhira nia hare ema barak mak hemu sagiko ho Delos nia sente triste tambá nia dehan Timor mos iha iha aifuan sira ne’e barak presija deit ema ne’ebe matenek atu halo aifuan sira ne’e ba kaleng, ou kemasan.

Husu ba partisipantes sira atu bele tuir treinu ne’e halo didiak hodi ba futuru bele sai fali treinador ba mluk sira seluk, agora ne sei uja matéria kultural tambá ne.e ba oin sei uja ainanans neebe mak sei produs bele sai produsaun nebe diak atu bele eskporta ba rai liur.


Departamentu Media SEPI | Author : Luisa da Silva
Loron Boot SEPI
Loron Internasionál Feto RuráL
Loron Nasionál Feto Timor
Kampaña Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

270067

Ohin loron : 30
Hits ohin loron : 112
Total : 56221
Hits : 270067
Online : 1