» Planu Estratégika 2010-1015 Sekretaria Estadu ba Apoiu no Promosaun Sosiu-Ekonomika ba Feto ba Periodo 2012 até 2015

Iha fulan Maiu 2009, SEPI organiza sorumutuk (workshop) planeamentu estratéjiku ida ne’ebé envolve funsionariu SEPI sira ho fasilita husi péritu internasionál sira. Sorumutuk ida ne’e haka’as aan atu konsidera kontestu no progresu iha promosaun igualdade jéneru no mos forsa, frakesa, oportunidade, no ameasa sira ba SEPI hanesan promotor prinsipál igualdade jéneru iha Timor-Leste. Estabelese mós prioridade sira ba tinan lima ba oin no foka ba SEPI nia programa sira.

Aprende husi esperiensia GAPI nian, funsionariu SEPI sira konkorda katak sira atu tuir objetivu estratéjiku ha’at. Preokupasaun prinsipal maka atu dezenvolve kapasidade institusional SEPI nian, nune’e SEPI bele responde suporta no apoia tékniku ne’ebé instituisaun sira seluk iha governu nia laran presiza. Prioridade maka integra abordagem jéneru iha Ministériu ha’at: Justisa, Saúde, Edukasaun, no Agrikultura. Maske nune’e SEPI sei nakloke nafatin sei karik aban bainrua ajénsia seluk husu asistensia no konsellu tékniku.

Nune’e planu estratéjiku halo durante sorumutuk ne’e aprezenta ba parte interesante sira (stakeholders), inklui reprezentate sira husi sosiedade sivil, ajénsia ONU nian, doadores no parseiru multinasionál no bilateral, Pontu Fokal Jéneru iha Ministériu ligadu sira, no mós Pontu Fokal Jéneru balu husi distritu.

Iha planu estratétiku ida ne’e defini katak SEPI nian objetivu estratéjiku iha oin ha’at:

1. Dezenvolve kapasidade institusional SEPI nian
SEPI iha rekursu umanu no finanseiru ne’ebé limitadu. Ajudu esternal sira dala ruma sei reduz iha tinan hirak ba oin. Maske nune’e, nesesidade ba konsellu tékniku aumenta nafatin. Tanba ne’e, SEPI tenke buka dalan no aumenta kapasidade funsionariu sira no hasa’e ninia kapasidade tékniku iha abordajen integradu jéneru. SEPI presiza integra CEDAW iha program kapasitasaun sira

2. Advokasia ba polítika o lejislasaun responsivu ba jéneru iha governu
Timor-Leste iha prosesu konstrusaun nasionál ne’ebé durante prosesu ne’e mós formula no adopta lejislasaun. Prosesu ne’e fó oportunidade diak ida atu integra perspetivu jéneru iha lei sira iha futuru. Ida ne’e mós tempu diak ida atu hatama lei espesifiku jéneru sira atu responde nesesidade sira hanesan lei ida anti-tráfiku umanu.

3. Hakbiit mekanismu Abordajen Integradu Jéneru iha institusaun no ajénsia estadu nian.
Halo instituisaun Governu, implementadór polítika no implementadór lei sira sai sensivel ba jéneru importante tebes iha implementasaun lei no polítika sira no asegura katak feto sira hola parte iha governasaun, fó influensia ba konteúdu no diresaun dezenvolvimentu no hetan asesu ba benefísiu sira husi dezenvolvimentu. Inisiativa sira atu Aborda Integradu Jéneru iha Ministériu ha’at, hanesan Agrikultura, Edukasaun, Justisa, no Saúde agora la’o daudaun. Inisiativa ne’e bele habelar ba Ministériu sira seluk sei karik iha rekursus umanus no tékniku natoon. SEPI fó suporta regular ba Ministériu sira seluk liu husi enkontru regular Pontu Fokál Jéneru sira.

4. Hasa’e nível końesimentu ba jéneru iha públiku espesifiku sira no públiku jerál nia le’et atu bele hasa’e suporta públiku iha nível nasionál no lokál.
Formulasaun ba lei, polítika, no institusaun sira ne’ebé responsivu ba jéneru no halo governasaun ida ne’ebé responsivu ba jéneru presiza apoiu bo’ot husi povu sira. Ida ne’e presiza mudansa atitude ne’ebé apoiu promosaun igualdade. Maske nune’e mudansa ne’e presiza końesimentu no sensitizasaun jéneru autór prinsipal sira hanesan media, grupu sidadaun sira, grupu setór sira no mós públiku jeral.

Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

255542

Ohin loron : 1
Hits ohin loron : 9
Total : 52795
Hits : 255542
Online : 1