» Vizaun Sekretaria Estadu ba Apoiu no Promosaun Sosiu-Ekonomika ba Feto

SEPI nia visaun maka: “Timor-Leste nu’udar nasaun ida ne’ebé prósperu no dame ho sosiedade ida ne’ebé justu ba jéneru ne’ebé ninia lei no kultura valoriza, proteze, no promove dignidade no direitu umanu, inklui direitu feto sira-nian."
Valor
Atu atinji ninia objetivu SEPI adere ba valor prinsipál oin mai ne’e:
- Igualdade no igualdade jéneru
- La iha diskriminasaun
- Partisipasaun husi mane no feto
- Direitu humanu, inklui direitu feto nian
- Justiza
- Dame
- Transparensia

Ho visaun ida ne’e maka SEPI buka atu promove kultura igualdade jéneru ida. SEPI hanesan instituisaun ida ne’ebé iha Gabinete Vice Primeiru Ministru nia okos, iha autoridade no responsabilidade atu implementa programa abordagem integradu jéneru iha governu no fo influensia ba lei no polítika sira atu halo sira iha sensibilidade ba jéneru.

» Misaun Sekretaria Estadu ba Apoiu no Promosaun Sosiu-Ekonomika ba Feto

SEPI buka atu promove kultura Igualdade Jéneru ida. SEPI hanesan instituisaun ida ne’ebé iha Gabinete Vice Primeiru Ministru nia okos, iha autoridade no responsabilidade atu implementa programa Abordajen Integrada Jéneru iha governu no fó influensia ba lei no polítika sira atu halo sira iha sensibilidade ba jéneru.

SEPI nia misaun maka: sensibilizasaun públiku no końesimentu ba nesesidade atu promove Igualdade Jéneru, halakon diskriminasaun no violénsia hasoru feto; advokasia ba polítika nasionál no setorál ne’ebé rekońese kontribusaun feto sira nia ba sosiedade.

Liu husi SEPI nia funsaun kona-ba fiskalizasaun no advokasia tékniku, SEPI buka atu asegura katak jéneru integra iha estrutura institusionál, entidade no mekanizmu governu nian sira hotu ne’ebé hakbiit no halo feto sira bele partisipa iha aspetu no área hotu Timor-Leste nia moris iha nível nasionál no lokál.

Atu bele hala’o ninia misaun, SEPI halo diálogu, servisu ho parseiru sira, estabelese ligasaun, rede sira no koordena ho sosiedade sivil, organizasaun komunitária sira, organizasaun nasionál no internasionál sira, organizasaun feto no foin-sa’e sira, no instituisaun no setór sira seluk.

Loron Boot SEPI
Loron Internasionál Feto RuráL
Loron Nasionál Feto Timor
Kampańa Loron 16 Ativismu Kontra Violénsia Bazéia ba Jéneru
Loron Internasionál Feto
Arkivu
Statistika Vizitantes

255494

Ohin loron : 44
Hits ohin loron : 322
Total : 52783
Hits : 255494
Online : 3